الشيف مونى
عضوة مبتدئة
عدد المساهمات : 36
نقاط التميز : 56
السٌّمعَة : 2
العمر : 34
 |  موضوع: فطير الفطاطرى الحلو من مطبخ الشيف مونى بالصور  الخميس يونيو 13, 2013 11:00 pm | |
| السلام عليكم ورحمة الله وبركاته
عملت فطير مشلتت حلو باللبن والسكر والزبيب
بنفس طريقة الفطاطرى
فى فرد العجينة وتطبيقها
والحمد لله طلع رائع وطعمه حلو جدا
وقلت طبعا لازم اوريهولكم
نبدأ
المقادير للعجينة
3 كوبايات ونصف دقيق صغيرين
انا عملت بكوباية صغيرة اوى حوالى 50 جرام
ماء دافىء للعجن حسب ماالدقيق يحتاج
مقادير الحشو
زبيب وجوز هند وسودانى وقشطة ولبن وسكر وسمنة طبعا
نيجى بقى للطريقة
اول حاجة بالنسبة للعجينة
حطيت الدقيق وحطيت الميه شوية شوية
لغاية مابقت عندى عجينة طرية
وسبتها ترتاح ساعة
انا كنت موضحة الخطوة دى وشارحاها بالتفصيل فى موضوع قبل كده
كنت عاملة فيه فطير مشلتت
بعد ماسبت العجينة ترتاح
دهنت الترابيزة سمنة وفردت العجينة
فردتها بالنشابة عادى
وبعد كده فردت شوية بايدى
اهم حاجة طبعا ان العجينة تبقى شفافة وتبين اللى تحتها عشان تطلع الفطيرة مورقة معاكى
جبت الزبيب وجوز الهند والسودانى هما طبعا مخلوطين على بعض
حطيتهم فى نص العجينة
يعنى انا تقريبا حطيت 3 كبشات بايدى
وده بردو حسب حاجتك انتى
بعد ماحطتهم
طبعا العجينة ليها اربع اطراف
طبقت عليهم طرفين بس من العجينة
وجيت ع العجينة اللى فوق الحشو بس حطيت سمنة
وحطيت قشطة ع السمنة
وبعدها طبقت الطرفين الباقيين
وقفلت عليها من كل النواحى عشان الحشو مينزلش منها
ودهنت صينية كبيرة سمنة
وحطيت فيها الفطيرة
بس قلبتها
يعنى اللى كان فوق بقى تحت
ويستحسن تحطى حاجة فيها ميه تحت صينية الفطير عشان الفطيرة تبقى طرية
والعجينة فى الفرن حضرت كوباية لبن يعنى مج تقريبا ودوبت فيه سكر
بردو السكر حسب مابتحبى
بعد مامرت ربع ساعة ع العجينة فى الفرن
حطيت عليها اللبن بالسكر
وقفلت الفرن عشان تكمل سواها
لما وشها احمر من فوق طفيت
انا بساوى على درجة حرارة هادية اوى عشان متنشفش منى
بعد كده شغلت الشواية لمدة 5 دقايق بس
عشان تاخد من فوق لمعة
وطلعتها وقطعتها
وبالهنا والشفا
دلوقتى بقى هسيبكم مع الصور بالخطوات
[ندعوك للتسجيل في المنتدى أو التعريف بنفسك لمعاينة هذه الصورة] | |
|
رانيا رجب2
مديرة عامة
عدد المساهمات : 211
نقاط التميز : 241
السٌّمعَة : 10
| | موضوع: رد: فطير الفطاطرى الحلو من مطبخ الشيف مونى بالصور الجمعة يونيو 14, 2013 12:27 pm | |
| | |
|
وردة الياسمين
اشراف للابداع
عدد المساهمات : 132
نقاط التميز : 197
السٌّمعَة : 2
العمر : 143
| | موضوع: رد: فطير الفطاطرى الحلو من مطبخ الشيف مونى بالصور السبت يونيو 15, 2013 12:03 pm | |
| تسلم ايدك يمى يمى
جميلة جدا يامونى
اكيد هجربها | |
|
